РАСМИЙ ХАБАРНОМА
“Ўзавтосаноат” АЖ ва Ўзбекистон Республикаси Монополияга қарши кураш қўмитаси Республика йўл жамғармасига 3 фоизлик йиғим тўланишининг янги тартибига ўтилиши доирасида, жорий йил сентябрь ойи охирида, ҳақиқатан “UzAuto Motors автомобилларини жисмоний шахсларга етказиб бериш шартномаси”га 2.5- банд қўшилганлигини расман маълум қилади.
Ўтиш борасидаги барча масалалар ҳал қилинган ва ҳозирги кунда, харидорлар томонидан 2019 йил 1 октябргача тузилган янги автотранспорт воситаларининг олди-сотдиси (етказиб берилиши) шартномаси бўйича ҳамда ушбу шартномалар асосида сотиб олинган янги автотранспорт воситалари учун йиғимни тўлаш тартиби олдингидек қолади – йиғим ДЙҲХХ органларида тўланади. Шу муносабат билан, янги нархларда тўлаш ҳақидаги 2.5- банд энди аҳамиятини йўқотди ва 1 декабрдан автомобиль сотиб олиш борасида тузиладиган барча шартномалардан бутунлай чиқариб ташланади.
Шуни ҳам маълум қиламизки, 1 октябрдан 1 декабрга қадар, 2.5- банди мавжуд шартномани имзолаган харидорлар тегишли дилерлик марказига бориб, ушбу бандни истисно қилувчи қўшимча келишув тузишлари мумкин. Қайд этиш ўринлики, сотиб олинаётган автомобиль нархи ўзгарганида (қўшимча келишув мавжудми-йўқлигидан қатъий назар), бу банд қўлланилмайди.
“Ўзавтосаноат” АЖ Сизларга бефарқ эмаслигингиз ва конструктив танқид учун миннатдорчилик билдиради. Батафсил
Ўзбекистон Республикаси Давлат байроғи қабул қилинган кун муборак юртдошлар!
"Ўзбекистон Республикаси Давлат байроғи тўғрисида"ги қонун 1991 йил 18-ноябрда Ўзбекистон Республикаси Олий Кенгашининг навбатдан ташқари ўтказилган VII сессиясида қабул қилинган.
GM UZBEKISTAN ЯНГИ KUPICAR.UZ САВДО ПЛАТФОРМАСИНИ ТАҚДИМ ЭТДИ
GM Uzbekistan АЖ 2018 йилнинг охирида Ўзбекистондаги илк мультибренд автосалонини ишга туширгани ҳақида хабар берган эдик. Компаниянинг Нурафшон шаҳрида жойлашган “Nurafshon Avtocentr” автосалони харидорларга автомобиль хариди жараёнида қулайлик яратиш мақсадида Kupicar.uz янги савдо платформасини ишга туширди.
Kupicar.uz билан автомобиль харид қилиш янада осон бўлди. Бунинг учун харидор мазкур сайт орқали ўзи истаган автомобилнинг позиция ва рангини танлайди ва сайтда буюртма қолдиради. Мазкур буюртма асосида автосалон вакили харидор билан боғланиб, автомобиль бўйича шартномани харидор кўрсатган манзилга етказиб берилишини таъминлайди. Тўлов амалга оширилгач, автомобиль харидорнинг буюртмаси асосида шартномада кўрсатилган муддатларда ишлаб чиқарилади ҳамда автосалонга етказилади.
Дастлабки босқичда Kupicar.uz орқали фақат Тошкент шаҳри аҳолиси автомобиль харид қилиши мумкин, кейинчалик эса мазкур хизмат Республиканинг бошқа ҳудудларида ҳам жорий этилиши кўзда тутилган..Батафсил
5 та энг “эркакча” автомобил маълум қилинди
Сarsweek.ru портали мутахассислари 5 та энг “эркакларбоп” автомобил рўйхатини тузишди. Улардан ҳар бири эътиборга лойиқдир.
Рўйхатни Toyota Land Cruiser йўлтанламаси очиб бермоқда. Японлар ушбу машинанинг турли модификациялари ва қўшимча опцияларини яратишган, унинг ишончлилиги эса энг муҳим жиҳатларидан саналади. Рўйхатнинг кейинги иштирокчисини эслаганда, кўз олдинга дарҳол тошлар, йўлсизлик ва шаҳар ҳаловатсизлигидан қочишни келтирасан. Jeep Wrangler йил сайин технологикроқ бўлиб бормоқда, бироқ унда ҳақиқий йўлтанламас руҳи ҳамон сақланиб қолган.
..; Батафсил
«ЎЗАВТОСАНОАТ» АЖ GM UZBEKISTAN АВТОМОБИЛЛАРИНИ ОНЛАЙН ХАРИД ҚИЛИШ БЎЙИЧА UZAVTOSAVDO ИНТЕРНЕТ ВА МОБИЛ ПЛАТФОРМАСИНИ ИШГА ТУШИРМОҚДА
2018 йилнинг 7 ноябрь куни «Ўзавтосаноат» АЖ биносида компания раҳбарияти ва ОАВ вакиллари иштирокида GM Uzbekistan автомобилларини онлайн режимда харид қилиш бўйича Ўзбекистондаги биринчи интернет ва мобил платформа – Uzavtosavdo ни ишга тушириш мавзуига бағишланган пресс-брифинг бўлиб ўтди.
Бугундан бошлаб, Ўзбекистоннинг ҳар бир фуқароси ёки меҳмонлари uzavtosavdo.uz сайтидан автомобиль харид қилишлари, шунингдек Android ва iOS мобил телефонлари учун Uzavtosavdo мобил иловасини юклаб олишлари мумкин. Янги илова билан автомобиль хариди осон ва тез амалга ошади.
Амалга оширилиши лозим бўлган иш - Uzavtosavdo иловасини юклаб олиш ва онлайн йўриқнома ёрдамида Ягона идентификациялаш тизимида (OneID) рўйхатдан ўтишдир. ЭРИ (электрон рақамли имзо)га эга бўлсангиз, автомобилни чет элда туриб ҳам илова орқали харид қилишингиз мумкин...Батафсил
